開online shop 1?

Quote from

http://www18.discuss.com.hk/viewthread.php?tid=6331929&extra=page%3D1&page=1

• 半年前小弟曾於這裡與其他網友分享過如何不求人經營自己的 online shop,  用最少的本錢而獲得最大的效益.  之後由於上年聖誕節當期我要應付online shop 的生意所以於討論區消失了一段時間. 現在生意回覆正常又可以再上來與大家分享下經營online shop 的經驗及交流心得.
  
  我三年前用 $2000 港幣 開始做 online 生意 (其實應該是$200 因為$1800 是買物料生產我的貨品及數碼相機). 當時由part time 開始做, 之後好快就轉了full time 職業.

  先分享下當時開業費用:
  1.  $80     港幣 買個domain Name  (即是登記自己公司名)
  2.  $130   港幣  開個hosting account (即是租個吉店準備營業)
  3.  $1000  港幣 買物料生產我的貨品.  (我是於online shop 賣自己設計的產品)
  4.  $600    港幣 買部 digital 相機take photos for my products.
  Total 用了 under $2000 港幣

  網上店舖只需要好低的成本經營. 其他費用有生意才需支付 例如:
  1. paypal.com 支付 3% 費用, 沒有任何 setup fee或 月費. 如果無生意就免費.
  2. shipping cost  郵寄費全部都是由客人另外支付.
  3. ebay.com 用ebay登出我的產品, 客人可於ebay內order或直接入我的website order.每月ebay廣告費約 $15 us dollar. 每次於ebay都賣出website內其中一件產品所以足夠cover ebay 的費用.
  4. 用免費的 classifieds (美國有好多免費的website都可以為我帶來好多新customers.)

  最困難的就是先要建立自己 website. 當時對網頁設計或如何開網店一知半解,  問過好多 programmers/ 或I.T.公司實在收費太貴, 而我真是不希望未有生意就先無左一筆錢. 最後都決定嘗試自己做, 由零開始.
  開始時要花好多時間, 因為要幫每件貨加上stock number, 又要take photos, upload 上server, 寫description, 可能相片又要做 editing ,…. 等等. 但是當完成後, 每天的工作量就好少. 工作時間好自由. 我的店舖開辦費幾乎是零. 就算唔夠生意都唔洗交貴租.

  在此希望大家可以交流下開online shop 的經驗.下次再傾.

• 其實我最後一次post係上年12月中. 之後就忙於聖誕節的order. 外國人真是越來越多於online shopping. 利用免費的classified不停登出你的產品, 用唔同的 description 形容你website不同的產品. 當你有好多好多的不同的 active classified ad 於 internet. 人地 search products 時就可以search 到你web site 的 products. 所以一定要用不同的 description 越多越好. 以下是我常用的 classified ad link. 這個工作好花時間 , 不過好有效.
  
  http://www.usfreeads.com/
  http://www.salespider.com
  http://www.pressmania.com
  http://classifieds.yahoo.com/
  https://www.google.com/base/
  http://classifieds.myspace.com
  http://expo.live.com/
  http://adlandpro.com/
  http://www.backpage.com
  http://www.usfreeads.com
  http://www.oodle.com/
  http://www.adpost.com/
  http://www.freeadvertisingforum.com
  http://www.sell.com/
  http://www.InetGiant.com
  http://www.adquest3d.com/
  http://www.recycler.com/
  http://www.chooseyouritem.com/
  http://www.domesticsale.com/
  http://epage.com/
  http://free-advertising-blog.com
  http://www.classifiedsforfree.com
  http://postaroo.com
  http://www.TheFlyer.com
  http://www.ClassifiedAds.com
  
• 如果開 Online Shop,  Zen Cart 是其中一個免費的、易用的、功能完善的開源網店系統.Zen Cart 介紹 :
  . 完全免費，源代碼完全開放
  . 安全，幾十萬家在線商店應用
  . 適用小型或是上萬商品的大型商店
  . 內置搜索引擎優化工具
  . 內置電子郵件群發功能
  . 支持多語言、多貨幣
  . 最完善的網店系統流程
  . 世界上平均每個小時有15個店主選擇ZenCart系統

  英文官方網站
  http://www.zen-cart.com/

• 收到幾位朋友pm, sorry呀! 未有時間一一回覆. 我比較喜歡於公眾版分享任何有關問題. 我不是online shop 的高手. 只認識好基本的技術來應付日常的生意運作. 我覺得做 online shop 越簡單越好, 因為做online business 是一腳踢的生意. 每日要應付好多事情, 如: 回email 給客, 打包產品, 買貨, 更新網頁, 出貨, follow up 客order, 登廣告…… 等等.  要賺到錢又有時間享受洗錢樂趣就一定要另自己的工作量簡單.    所以多年來我都是用同一間公司 (美國ebay, paypal, goddydaddy, lowpricebuilder,免費的classified ad).  由於我幾乎100% buyers 都是美國客所以我是較喜愛用美國的公司, 特別是paypal 真是一個最好又安全的payment gateway.

• 回覆 #17 hero_tkd 的帖子

  不是搵太多錢, 但比打工好些少啦! 工作自由, 時間自己安排.  用最低既成本換取最優惠利潤. 我建議大家如果準備開辦 online shop, 最緊要:

  1. 千萬唔好請人整. (特別是over price 收費的I.T. 人或公司)
  2. 千萬唔好浪費金錢做廣告. (因為實在太多免費的方法可得到同樣效果)
  3. 千萬唔好入太多貨益曬批發商.
  4. 千萬唔好整到個網頁太複雜. (我係消費者都怕去太複雜的website賺物)

  以上1, 2 是最重要的, 這個主題都是希望針對這兩點希望可以幫到大家入行,  我仍然於學習中.

  另外我是賣自己設計的產品, 在家中自己生產. 今年是第三年, 想於今年想租個貨倉去經營. 仍在考慮中.  由於自己生產, 所以無需經過批發商, 沒有被批發商壓迫. 其實好多外國人都喜發買一些 DIY 的產品. 賣DIY的產品好處就是可以賺多好多利潤, 又少人賣而多人喜愛買.   如果要靈感, 可以去以下其中一個website 參考 instructable site http://www.instructables.com/ 好多產品教你可以DIY, 香港地買材料好平, 所以利潤什高.

  另一樣可賣的是服務, 或產品說明書 (blue print). 我以前都有賣過, 都賺到錢.
  

• 回覆 #19 緣來自誰 的帖子

  我 另一個方法就是將每件產品拍下短片, upload 上 youtube 比客睇. youtube 的片也放於自己的website 及 ebay page 內. 效果也非常之好, 經常帶入好多新客. 另外你也可以將產品相片放入 Flickr.或其它 album 如photobucket 也可以帶入好多生意.

  下一步我準備開個blog account 也可以增加website traffic.
  

• 回覆 #21 程式狩獵人 的帖子

  唔一定, 雖然我自己個shop 是做外國客多. 但是我自己也是一位經常於網上購物的消費者. 好多時都要去中國或香港本土的網站購物.

  舉個例:
  1. 我想買茶葉, 如果間 eshop 放條短片 (youtube) 教如何用正中的沖茶方法沖茶, 我睇了片後會對這間 e shop 更加有信心.

• 回覆 #23 程式狩獵人 的帖子

  獵 兄, youtube 真是好有效, 自從我加了短片於自己website 內, 生意多了好多.  因為 youtube 內也放入自己website link, 加入更多key word, description, 客人更容易search 到我website.  客人從 youtube 睇了我產品短片後再入我網站order. 對於一間剛剛開始運作的e shop 也可以另客人從youtube 留言中睇到一些產品評論.

  另外關於你的 website. 我有一點問題是購物程序方便. 我自己家中大大少少東西幾乎90%以上都是於 internet 買. 作為一位消費者, 當遇到心頭好的產品如準備買時但是間 e shop 要強迫我 “必須先註冊成顧客” 問 我好多資料. 就算想買的產品是好平或好難找我都即時走人. 所以我真是不明白點解仍然有好多網店用這套 old school style 的程序. 我喜愛用 paypal 的online shop 是因為第一 唔需要登記任何個人資料, 也可以即時買. 第二 間e shop owner 不能拿到我信用card 資料. 第三 就算我無paypal account 都可以買. 這意見純粹是站於消費者角度.

• 回覆 #25 程式狩獵人 的帖子

  我 其實真是好佩服做中國人生意的 e shop, 因為中國人market 真是十分難做. 特別是香港地一行落街物都可以買到, 又平. 上深圳 shopping 就重平. 貨品種類又多…… 能夠賺到錢的網店小弟真是服得五體頭地, 希望做中國人market 的網主可以分享當中秘訣.

  放片於自己website 的 idea 是因為我曾經買過魔術玩具, 都是先於youtube 睇到demo片後而 click 入魔術店的網站買. 另外有次想買一套電子鼓, 都是睇了以下介紹片段而決定買. 所以放短片入自己網站真是幫到生意.

• 回覆 #27 bidseller99 的帖子

  我又用 lowpricebuilder.com, 又有用 godaddyemail account.
  幾年前當買了 domain name 後就入去 godaddy setup email account
  https://email.secureserver.net/login.php 我記得當時setup 都要入 help 睇住 step by step procedure 做. 不過做好後我就可以直接入去這 link 內除時 check mail.  你可以試下click 入此link 睇 http://help.godaddy.com/article/1728?isc=appemail40 如何做

  LowpriceBuilder 的email就更容易用.  有提供的email account, 可以連結你於 godaddy 所買的domain name. 我比較喜歡用它.

  要另你的domain name 去到你的website 有兩個方法:
  第一: Login 入LowPriceBuilder.com Control Panel  內 click Domain Icon 入去加入DNS information. 你可以click 入此 link 有詳細解釋:

  <—- 入LowPriceBuilder.com Control Panel  內 click 這 icon
  ——————————————————————————————
  第二: 用domain forward. (但是我不建議) 這方法可以 login 入你godaddy.com account 內搵到.

  希望以上回答幫到你.

• 希望 此 香港人開發的免費零售商業管理系統 POS 幫到 各位Online Shop 的店東:http://hk.one-pos.com/index.htm
• 如果你需要一個 SSL Image Hosting (安全 (https) 服務器) for your 公司 or own logo in Paypal Custom Payment Pages (自定義付款頁面), 以下2個 links 提供免費 SSL hosting for your secure Image Logo:https://www.eliteweaver.co.uk/imgpal.phphttp://www.sslpic.com/
• 如果是用 paypal 就有 https 安全系統啦! 我作為一個經常於internet shopping 的buyer 如我去online shop 買東西最好有以下要求: 以下只是個人意見.
  1. 越簡單越好. 我最怕就 係d website 有 flash opening,  閃到我頭痛的 gif files, background music 不停 play, 又多drop down manual, 又扮到好pro, click 一個items又pop up 好多windows出來, 有供靚整到供靚, 加入好多新元素………. 等等. 真係好煩…..
  2. products 圖片要清楚. 最好有多角度相片, 或 video clips.
  3. 有安全的付款系統, 如果用paypal, 最好可以另買家 verified 到你paypal的account. 最好有Verisign Secure Certificates… 等等. 因為有好多 website只貼一個 paypal verified 的jpg file 就算. 我覺得唔夠安全.

  PayPal Verified Look for the above PayPal Verified Seal when paying on the Internet. This verifies that the merchants identification has been verified by PayPal. 網上shopping最緊要係方便買方, 買到平過出面retail shop的貨, shopping cart 有完善的保安系統就足夠. 越簡單越清色就越好.

• 玉器產品外國好多人越來越喜愛買, 所以你的website 一定要有好容易另西人明白的英文解釋, 清楚的圖片, 安全的收費系統. .. 等等. 我見有些賣玉器或中國工藝品產品的website 英文翻譯是睇死西人. 英文 grammar 錯亂另外國人害怕 order.
  
  我自己經營online 店已幾年.  我的做法是要夠直接唔需要經中間人如 I.T.設計網頁公司或收費高的programmer..  (除非你有大把錢或是大集團).

  我經常都建議大家用最平, 最容易, 最快的方法做 website . 就是不求人自己做. 因為請公司做一來收費好貴 (我以前都是請人做) 二來就算做好了日後又要求那公司幫你的website更新. 如果你好彩遇到間好公司就會教懂你自己更新. 不過好多都做完收了錢就算. 所以我100%建議自己做. 我自己用的方式是不需要識用任何 Html or dream wavier等software 去寫web site.
  
  Paypal 是十分安全. 我自己家好多東西都是上網買. 但是我只幫親 Eaby , Amazon.com 或有 PayPal Verified 的 online shop. 其他website如果沒有 PayPal Verified我都一定不會幫親. 就算見到好平好正的貸我都放棄. 美國大部份網上買家都唔信其他payment gateway. (這也是我個人意見). 我自己以前唔知原來DIY這樣容易做, 花了好多錢效果都不好. 現在自己做反而更好效果.

• 要於internet生存, 最困難的是要賣一些貨品是人無你有, 而又要有市場價值, 回答客email 又要快, 寄貨要快…. 等等.  要多留意下新的 products, 有時間就要去 tdc 睇下 http://www.tdctrade. com/ trade show, gift show…. 等.  我經常都去女人街或廟街, 鴨x街等地區… 有時可以搵到一些 “香港人當草外國人當寶” 的貨.  我們香港人其實已經比好多國家的sellers 有利, 因為又近大陸, 去深圳, 東門行一日又可能搵到新貨源. 只要努力大把空間可以發揮. 另外一個選擇. 你可以於賣服務. 成本一定低,利潤一定高. 你可以先問下自己有什麼技能可以幫助到人. 例如: 上門修理電腦, 教國語, 教電腦, 汽車維修, 按摩, 畫油畫, 算命,  教魔術, 等等…. 好多好多不同服務. 社會上有各式各樣的人需要不同的服務. 我自己都是曾經於 ebay 賣過服務而搵到錢.  外國 ebay 好多 sellers 都是賣自己的專長, 寫說明書或自拍video 出售.
• 你試去今列地方, 拿些靈感及參考, 然後混熟批發商, 透過他們可以認識幾個可靠的廠商, 嘗試小量生產自家產品:廣州有10來個玩具文具禮品精品批發市場，具體如下： 1.  金晉精品廣場 地址： 海珠廣場－僑光西路
  2.  國誼園文具玩具精品…… 地址： 黃沙大道30號
  3.  精銳玩具精品批發中心 地址： 中山八路20號
  4.  嘉樂斯精品玩具城 地址： 一德西路423號
  5.  國際玩具文具精品廣場 地址： 一德西路390號
  6.  德寶交易廣場 地址： 一德路190號
  7.  一德誼園精品文具批發 地址： 一德中路297號
  8.  中港玩具精品批發城 地址： 一德西399號
  9.   廣州荔灣玩具批發市場 地址：廣州市中山八路石路基38號 510175
  10. 廣州萬福精品廣場 地址：廣州市萬福路19號
  11. 兒童頭飾批發，國際飾品批發城 地址：廣州市越秀區泰康路111號 泰康城廣場
  12. 藝景園精品廣場 地址：一德東路85號
  13. 泰康仰忠精品批發市場 (廣州市最大的飾品生產批發中心) 地 址：廣州市越秀區泰康路111號
  14. 廣州萬菱批發市場 地址：廣州市解放南路39號（一德路及解放南路交界）
  15. 朗能文具精品批發市場 地址：一德西路435號
  16. 廣州荔灣廣場精品飾品批發市場  地址：上下九步行街盡頭，從長壽路地鐵站步行不過5分鍾就可到達

  廣州主要批發中心, 大部份都在廣州地鐵線路出口15分鍾步行路程附近
  http://www.gzmtr.com/ckfw/dtxlt/

  廣州一德路GOOGLE EARTH 120%全攻略！
  http://blog.china.alibaba.com/blog/yaoping888/article/b135-i1271450.html

  不用坐直通車, 在深圳坐火車到廣州東站下車, 快捷便宜, 1小時2-3班, 1小時15分左右到達.
  火車時間及票價 : 深圳 <=> 東莞 <=> 廣州東 <=> 廣州
  http://www.hkttn.com/gsline/gsline_index.htm

  如果你坐火車到廣州東站下車的話:那就先坐1號線地鐵到公園前轉2號線地鐵到海珠廣場一出站就是海珠廣場,一德西路批發市場就在海珠廣場附近.

  買完貨可叫商場內或附近的物流公司託運回港. 他們自動化處理過關問題, 不用打稅.
  小量託運 HK$70-HK$100 貨到才收錢.

  請問廣州一德路有哪些物流公司??
  舉例 :
  http://zhidao.baidu.com/question/37300822.html

• Paypal Verifited 係乜?係唔係Paypal Verify個Seller?係既話要點Apply?我個eShop搞咗差唔多一年, 依家每日都係得100個Traffic, 但係Sales就一個月得十個八個, 有懷疑過間eShop說服力唔夠, 但係又唔知點可以增架客戶買野既信心 有 好多website只是求求其其copy & paste 放入 paypal verified image 於website內就算, 這是無用的. buyers如果無法verified sellers真正paypal的record. 信心是大跌. 我自己如shopping 要去可以有 verified 的website才覺得安全.  如果用paypal, 最好可以另買家 verified 到你paypal的account. 或有Verisign Secure Certificates… 等等.  因為有好多 website 只貼一個 paypal verified 的jpg file 就算 . 我覺得唔夠安全. 真正的verified button 是可以click 入去後真正link到去paypal的 official website. 如以下:PayPal Verified Look for the above PayPal Verified Seal when paying on the Internet. This verifies that the merchants identification has been verified by PayPal. 另外如果想website 增加traffic, 就要加入meta tag. 如果你是用 LowPriceBuilder.com 就可以入 control panel 加入 meta tag. 好容易, 加越多key words 越好.  detail 可click 入 here睇.http://www.lowpricebuilder.com/r/kbs/60/ScreenShot4.gif

  

  

• 回覆 #74 hayashigou 的帖子

  [按此打開] [隱藏]

  另 一個方法另客戶對自己的網店增加信心就是 網頁有 Versign secured verify (如下圖) . 如果用LowPriceBuilder.com 的購物車 “shopping cart” 就有 versign secured verify. 詳細可click 入以下link 瞭解.
  http://www.lowpricebuilder.com/hp/kb.cfm?id=342&url=%2Fsupport%2Fhost%5Fask%2Ecfm

  

  https://seal.verisign.com/splash?form_file=fdf/splash.fdf&dn=WWW.VERISIGN.COM〈=en

• 我啱啱睇完salespider, 覺得佢只係想我upgrade, 同似做B2B多啲其實我搞e-comm都有兩年幾, 第一年淨係做eBay, 第二年先開始開eShop, 之前都試過AdsWords, 但係反應嘛嘛, 以為自己寫Ads寫得唔好, 咪 Join Udomain幫手囉, 點知佢地除咗用個Keyword Generater加多啲Keyword同個Highest Bid 之外, 乜都做唔到所以尼半年主力做SEO, 都係十幾個Keyword可以響美國Google排第一版, 但係就覺得幾花時間, 唔只係做既時間, 仲要第Google Update佢個排位, 所以見你做Classfied Ads都想試下我唔係好介意俾錢, 問題係效果好唔好啫, 我會試下你介紹啲Site, 暫時試咗兩個, 覺得usfreeads.com好似唔錯, 不過就未upgrade membership, 睇多幾日先決定你係唔係都試過響eBay 個Classfied Ads?會唔會都好似啲Aucation咁多限制?VeriSign Secured我都睇過,不過冇記錯的話佢都幾貴, 我用緊instantestore既shopping cart, 睇黎暫時都唔會轉其他shopping cart住啦, 你都知啦, settup一個shopping cart 做你幾個月架好多謝你既information, 我Study咗SEO 同Internet Marketing都有兩年, 身邊都冇乜人幫到手, 個個都係叫你join 佢地啲program, 但係又唔會講啲有用既野你聽, 有時間大家多啲Share嚇啦, 我冇睇錯既話e-Comm發展落去, 係有一個好大既Potiental, 唔只係搵自己生活咁簡單, 因為Internet既爆炸力實在太大

• 回覆 #78 hayashigou 的帖子

  我 與閣下相反是先有自己的web site 後再做eBay. 因為當年想增加生意及website人流所以才加入eBay.  我於eBay 登的items 每次都是用  Buy It Now Button 所以客人無需落bid. 我自己都是ebay常客 (buyer) 也不喜歡與其他人bid 貸, 所以我選用Buy It Now. 由於我所賣的產品每件都要由 $250 至 $600 美金所以如果全部放入eBay賣每月的commission 開支會好高.  因此我只登出web site 內其中一件產品於eBay, 每10天update一次, 通常都可以好順利賣出而足夠cover eBay的開支. 也可以帶入更多新客直接入我web site order. (因為圖片watermark及youtube video clip 有我web address.)

  我一切web site的 marketing 都依靠 www.LowPriceBuilder.com  內的功能, 如: marketing, keyword, meta tag, search engine submit 等等.  免費的 classified ads 是初期剛開始做online shop 用, 每次我接到客人order都無問客人從那裡知道我website 所以其實我都唔那個方式是最有效. 這方面相信閣下比我更有經驗. 由於我們都不是一些大集團或大公司, 所以用錢做廣告我覺得是無用的.

  至於 online shop security我的 shopping cart 系統已經包括Versign secured verify, 所以不需要另外付錢. 美國的buyers 好小心online shop 的security. 所以我除了用PayPal提供 的PayPal Verified system, 也用  Versign Secured verify. 之前我都提過如果我於 internet 搵到一些又平又想買的產品, 但是如果間online shop 沒有PayPal或Versign secured verify我都走人唔買.  我還將eBay 的 positive feedback record 放入website另客人更放心order.

  我都是全部工作自己一個人做, 我自己 online shop 的知識是有限所以希望於這討論區遇到一些朋友交流經驗.

• 我就係因為eBay費用太貴, 接近總收入既50%, 所以我先會花咁多時間去開eShop, 雖然就係一次性既工作, 但係Marketing就唔係咁易做 (因為冇錢), 所以開始既時候揀咗做SEO, 做落先知要花好多時間去Optimize一個Keyword, 啲人成日講PR#, 跟本我覺得PR#同Search Result Ranking根本唔係好大我只係試過用Adswords賣廣告, 不過真係冇用,但係果時個site入啲好多野都未做好,就連啲相都影得唔係咁好(響EBAY賣啲相唔靚得可以賣得出), 所以其實都唔知係個西既image做得唔好定係經廣告入黎既都係counter seller.咁你有冇做過SEO呀?我淨係做過Google既SEO,  Yahoo就唔係好知點做, 我黎緊下一步想響Yahoo排第一版呀
• 譁! 支付ebay費用接近總收入既 50%? 即是一半比了ebay幫ebay打工? 我是幾年前剛開始做 online shop 時用 www.LowPriceBuilder.com 內的功能做過一次 SEO “search engine optimizer”  它們的 Builder 內有教材可以自學如何自己做 . click here有詳細資料包括 如何於yahoo及 MSN 做 SEO. 程序好簡單其他eshop老闆也可以自己做. 由於我都好滿意現時的生意所以好久沒有再做任何 marketing.   間中上 google, yahoo check 下 (用 keyword search) 仍然見到我的website 排位好前.
• 係呀, 因為我賣既唔係hot item, 所以唔係個個listing都會sold, 所以淨係insert fees 都已經好貴, 每個listing仲要加Gallery (0.35), 咁你話要賣幾多錢先得喇?仲要唔好唔記得個Market好Open, 所以個客係好易搵到另一個seller.跟住程序做? 我用過godaddy既product, 不過佢只係好似一個management program,  作用唔大, 不過你唔識SEO的話就可能幾幫到手SEO係會成日轉架, 所以幾年前用落既方法今時今日未必work, 仲要係一個個keyword去做SEO, 依要幾耐先排到頭位, 就要睇你想optimize既keyword有幾多人掙, 所以SEO係可以自己做, 但係會好花時間去做不過你話SEO Tools 既話, 你可以睇嚇google果個webmaster tools, 會好清楚啲keywords既排位同個效果http://www.google.com/webmasters
• 其實第一步您需要準備是網站的內容, 要分開目錄 (如. Home page, About us, Products, FAQ, Contact Us….. 等等) 你可以先用 word 將內容寫好後再 copy and paste 入網站. 開始時可能好花時間, 因為你要幫每件貨加上stock number, 又要take photos, 寫description, 可能相片又要做 editing (加入watermark) ,…. 等等. 但是當完成後, 每天的工作量就好少. 工作時間好自由. 我的店舖開辦費幾乎是零. 就算唔夠生意都唔洗交貴租.希望資料幫到大家.
  
• 您問錯人了, 因為我個人於 ebay 的post 是好簡單 . “simple is the best” 是我的目標. 我自己都是一位ebay 或online shop 購物常客 (buyer). 最怕就是見到複雜又做好多flash, 又多閃來閃去image, 加入好多新功能,  click 一下又彈好多個新window出來….. 等等……  的online shop. 睇到眼花頭暈重邊有心機shopping呀!  我個人意見越簡單越好. 這只是我個人意見. 不過如果您見到其他ebay seller的 post 好靚而您又想用, 其實是可以copy html code 後再修改放入自己的products再登於ebay post.
• ebay 不準登自己網址, 但是我仍然登了幾年都無問題 (當然不是明目張膽啦). 網址可用watermark 放入圖片, 放入youtube 片有您的網址 或登出有自己網址聯絡email.

Part2

• 經營online 店如何避免假買家或騙子買家?我當初剛剛開始經營online 店時. 一有  order 收錢後 (paypal confirmed) 就即寄出貨. 正常程序應該是無問題的一單生意. 但是如果不幸遇到假買家或騙子買家, 他們收了我貨後可以除時charge back全數, 另我損失郵費及貨品. 當開始出現這問題後我馬上去了外國及ebay的討論區求助. 才發現原來有好多職業假 buyers是用假信用卡或盜用他人信用card之騙子專攻新手的online shop及ebay 新seller account騙取seller的貨.  好多online 店owner 或ebay seller都做了受害者.  原來外國有好多地下chat room可提供職業騙子各式各樣信用卡  (每個card account 可用 $2 至 $10 usd 就即時買到 ) 這些信用卡 的來源是層出不窮. 有些來自去餐廳look card 後的客, 加油站, 用假名向銀行申請的假卡. . . . 等等. 騙子用這些信用卡於internet 購物後銀行或真正的卡主是可以dispute charge. 最後都是由我們的seller paypal account charge back.

  要完全杜絕這問題是可以利用paypal 的 “Seller Protection Policy”. 以下是我現在的做法可給予大家參考.
  當收到order時paypal 都會即時send confirmation email信通知我. 之後我sign in 入自己的paypal
  account 就清楚見到detail 如 shipping address, Status, amount. . . . .等等.

  有兩點要特別注意就是: “Status” 和 “Seller Protection Policy”.

  “Seller Protection Policy”.可見到個buyers是Eligible 或 Ineligible.  如果是Eligible就可以更放心. 這單生意是一定100% 收到錢. 因為有”Seller Protection Policy” 保證.   Paypal是不會事後扣起你的錢.  但是如果是Ineligible  , 這個客就有機會收了貨後charge back!  關於 Seller Protection Policy 之細節可參考下板的post.

  要完全避免假買家或騙子買家就要拒絕接受ineligible buyers. 只要 入 Payment Receiving Preferences
  更改setting. 於 “Block payments from U.S. users who do not provide a Confirmed Address” 選 YES 就可以了.

  1. Log in to your account at https://www.paypal.com/.
  2. Click the “Profile” subtab.
  3. Click “Payment Receiving Preferences” under the Seller Preferences column.
  4. After selecting your choices, click “Save.”

  自從我只接受Eligible buyers都未試過有charge back問題. 現在好多職業騙子專攻亞洲及香港的online shop. 所以希望大家特別小心. 如果希望continue討論這話題, 或者我應該開個新板討論.
  今日我長氣左少少. 打到手都軟了. 大家如果有興趣繼續討論這話題下次再傾吧!
  

• HKSupporter1 的 PayPal Account 是 US 公民 及 US 地址 登記的 PayPal account, 所以有 “Block payments from U.S. users who do not provide a Confirmed Address” in Payment Preference Profile.以香港人身份登記的Paypal Account 是沒有這個選項.“Block payments from U.S. users who do not provide a Confirmed Address” 只適合 淨做 美國人的生意.而且, Paypal 已經擴展 Seller Protection to all eBay Hong Kong PowerSellers around March to April.以下節錄PayPal 通知電郵:“Expanded seller protection will provide PowerSellers with protection against fraudulent payments (unauthorized) and item non-receipt claims/chargebacks in 190 markets worldwide on eligible transactions.  Expanded seller protection is free and there’s no annual coverage cap.  Additionally, the ship-to address will no longer require a confirmed address.”
• 可能是我所賣的產品價錢較貴, 所以仍然經常收到好多EMAIL (自己話自己是買家) 想用其他方式付款. 例如: EMAIL 直接SEND 信用卡NUMBER 給我, 寄支票, 銀行MONEY ORDER, 問我拿銀行NUMBER入數等等……  這些買家我都堅持叫他們用我website內的shopping cart order.    我每次收到這類信都用以下的EMAIL 來回覆他們 (給大家分享) 他們就不再send mail 來問我了.  在此希望有其他有經驗的online 店老闆可分享一些這裡經驗.
  
  
  Our products are available for ordering ONLY through Paypal Confirmed Address. (We don’t accept money orders, personal check or phone order. Sorry!)

  As stated in our terms of sale in all of our items, we cannot accept payment via PayPal from addresses that are NOT confirmed.  You certainly wouldn’t want someone to use your credit card number and have the item shipped to them instead, a confirmed shipping address simply assures us that we are shipping the item purchased to the actual person that is paying for it, not a third party.

  If you don’t have a confirmed address, Click here for more info.

  Sorry about that!

• 回覆 #176 seraphmau 的帖子

  Paypal 已經擴展 Seller Protection to all eBay Hong Kong PowerSellers around March to April

  只係ebay  PowerSeller 先protect, 若你唔係powerseller 無得保, 件貨唔經ebay 賣  亦無得保,

  我之前都係 powerseller, 一樣照 chargeback, 因之前只 protect US & Canada Seller,

  我個case 係個 buyer 一收件貨就話壞, 要求paypal 退錢, 他說郵費貴, 所以件貨唔會退, 但要我 fully refund,
  paypal 亦裁定 buyer 唔退伴貨, 我唔駛退錢,
  我以為單 dispute完咗 就算, 冇去投訴呢個buyer,

  但一星期後, 呢個buyer 居然去 ebay 同 paypal 一齊投訴我賣老番, 仲send 咗張想被 ebay 同 paypal ( paypal 通知我) , 但張相肯定唔係我d 貨, 我當時係 powerseller, 但ebay問都無問就停咗我account,
  我send 咗好多email to ebay, 但 ebay 只係話我違規, account 不能開,
  再過多一星期, ebay 仲通知埋 paypal,  停埋我 paypal account,
  至今已一年仲停緊, 期間我都仲有send email ebay & paypal 解釋及重開 account, 仲問佢地需要d 0物野資料, 但居然一直卻無回覆,
  我係12月另開ebay & paypal account, 但到一月又 closed, 因佢地話查到同之前account有關連,

  而家我再無用 ebay 同 paypal,

  請大家留意, 為保障自已, 如被人投訴完或 refund 完, 記得向ebay 同paypal 一齊投訴返對方,
  雖然唔知有冇用( 因ebay 同 paypal 只係保障buyer, 縱容騙徒買家 ),
  但總好過0物都冇做

• 回覆 #183 koonpapa 的帖子

  收到外國寄來的支票香港銀行都唔知可唔可以安全對現到 cash. 我聽一些外國seller講有好多假money order或 bank check 是由 Nigeria send 出. (關於Nigeria 騙子, 我又有話題, 不過下次再講)

  如收容人支票入數時銀行的職員多數是接受的, 但事後如發現有問題就算是幾個月後都可以於自己戶口扣除款項. 所以都是收信用卡是最安全. paypal 收我們seller 3% 都值得. buyer 就算沒有paypal account都可以直接用任何信用卡付款. 所以如果對方問三問四有無其他付款方法, 一定有 “警滾” 大家小心為上.
  

• 回覆 #193 laputa0122 的帖子

  我只是位低調的小商人 (如經營士多的小販仔),只能用好有限的知識回答您問題. 在此希望可以遇到一些高人繼續回答閣下的問題及修改小弟的回答.

  1: 我地暫時唔會 full time 做, 只能 part time, 所以如果有 order 的話, 跟本冇可能返緊工同個客傾電話, 想問如果唔提供電話, 地2比客的話, 有冇可能只用 email 可以成功做到一單生意?
  我當年都是由part time 起做, 見生意好才轉為full time. 我是完全用email與客人聯絡. 因為一來internet 生
  意有時差問題, 你無可能24小時接電話. 二來有好多電話可能是其他行家打來查問行情 (扮曬自己是buyer問好多問題). 我於website 及email內都註明以下句子.
  Any questions regarding of our products or other concerns, we will answer through email usually within a few hrs.

  2: 如果個客想落 order, 當佢想買 500 隻杯先算, 咁個流程其實係點? 係個客先係 paypal 比錢, 我地再係 paypal 個account ?佢既錢出黎返廣州買貨? 定係Paypal 既錢我地未用得住, 要我地先到廣州買貨, 寄比個客, 個客確定收到貨後, 我地先用到 paypal account 既錢? 定係點?
  比如我是您, 我的shopping cart 內已set好了一切產品的價錢及當然我會確實有現貨才active 個shopping cart “BUY BUTTON” 啦! 如果 not sure 沒有現貨我就會於 shopping cart 內寫上 “This item is temporary out of stock”. 無現貨在手我是一定不會收客人的錢. 如果個客於shopping cart 內order. paypal就會即時轉錢入你account(扣除3%) . 您可以將錢即刻轉入自己銀行然後去銀行拿取現金約我出來請我食飯.

  3: 如果發我地搵唔到貨比個客既話, 我地係咪可以中斷交易, 係 paypal 到退返所有錢比個客? 如果係咁既話, 我地會唔會蝕左 paypal.com o個 3% 費用?
  又比如我是您,如果我收了個客錢後 (經paypal或 shopping cart內其他收費功能) 點知自己突然食錯野入了醫院失去生產 products能力. 我就會log in 入 paypal 全數 refund 比個客. 當然要send 個email同個客解釋啦!如全數refund比個客 paypal是唔會扣您3%.

  4: 睇返之前既 post, 知道你係做一d DIY 既 products 賣比人, 請問你覺得我地既生意手法同你係咪好唔同? 你會諗到我地有仲會有 d 咩問題會面對?
  您一定要確實貨源是沒有問題, 另外如果您的貨是一批一批的賣去美國或外國. 您要事前同個buyer講清楚批貨到達美國時個 buyer可能還要另外支付海關清關稅金. 有時好彩就一個仙都唔洗比, 有時海關可能會收費好高. 這問題我都好希望有其他高手可以提供下資料給小弟.

• 回覆 #192 hksupporter1 的帖子

  我有第2個選擇提供給大家 Moneybookers
  http://www.moneybookers.com/app/?l=CN

  只收發貨人每次 手續費1%,  max 0.5 euro or HK$6.00
  你只需付提款手續費每次 手續費 1.8 euro  or HK$21.6

  操作介付支付寶同 paypal 之間, 費用冇paypal 咁食水深,
  而且由英國金融服務局(FSA)授權和管理 ,
  我想 UK 一客同歐洲客會容易接受.

• 我以前經營實體店舖好多年, 痛苦的日子已經過去了. 每次我聽到人想開店舖做生意, 我都希望大家聽聽我過去的經驗. 以下是我及好多曾經開店舖朋友的苦痛經歷:
  

  1. 不介意每天都要睇舖.
  2. 不介意如果想休息又需請人睇,比工資
  3. 不介意員工穿櫃桐
  4. 不介意百多呎的店舖每月要支付昂貴租金.
  5. 不介意店舖的裝修及租金deposit 要先花你好多錢.
  6. 不介意日日困住得百多呎的店舖等客 (sizes 比監獄更細)
  7. 不介意繁忙時間想大小便都去唔到廁所
  8. 不介意食食下飯盒有客入來又要招呼.
  

  當然如果夠生意賺到錢就可以用錢平衡到以上問題.早期我都是靠賺到錢而支持下來,不過後來生意開始差就好介意以上問題了. 轉移internet經營後,工作好自由, 好過交貴租, 好過幫業主打工. 不過當然開店舖亦有好多成功的例子.

  食dinner 先.一陣再傾.

• 我之前係開舖, 雖然無e shop, 我會接受、客人email 查詢及訂貨, 我係通過email 發資料給客人, 當時我係yahoo 有一公開相部 陳列我的產品, 通常d 外國客都係一個介紹一個咁返嚟,
  你問得好, 我係完全無e-shop 經驗, 所以才向版主求教,
  但我係專業採購, 曾任職某垮國公司採購部門10年,任職 阿2, 後自己開舖, 但被d 鋪租玩死,
  後來係ebay 賣貨, 做到powerseller, 收入都唔錯, 但被 d 騙徒 buyer 完死.
  所以而家搞緊e shop,

  而有關入貨,運輸 同收錢, 我都可提供一點經驗, 當然未必全對, 因廠家對不同客人有不同offer,
  例如我 取貨可先借貨, 七天後找數, 其他未必得.

• 你Ending Time係美國零晨兩點幾至五點幾…..

  會Lost咗好多Visitor

  人地訓緊覺你先排到響頭, 你upload listing要留意當地既時間架

• 回覆 #231 joechow169 的帖子

  見 你件玉器買$30 usd 其實美國來講都唔算貴. 應該可以好容易賣出. 不過你個ebay account 是零記錄. 這點反而buyer會比較關注. 之前有位網友教路話可以用小小錢就將自己個新ebay account 變為有好多positive feedback record. 不防再請教下他.
• 你地好呀!本人正籌備開一間eshop,但因為是新新手,有好多好多問題.
  我原本諗住係yahoo賣一d係大陸入既精品,再自己用osCommerce整個網頁sell我d貨.(小小小本錢)
  呢個係我其中1樣貨既圖片:

  但係我爬左呢度17頁POST.睇左你地既分享,
  發覺係E-BAY賣同SELL向美國客好似好賺好多喎.
  夠竟係唔係呢?同埋,你地果個lowprice商店系統支唔支援中文?
  因為我有好多fd係係香港既.
  另外有冇d咩系統係唔駛會員制度又好用呢?
  (你地話最好係簡潔,唔駛入會就可以買到野先好嘛)

  夠竟我應該
  1.行返我原本既路線?(yahoo+osCommerce+free ad)
  2.好似你地咁,行e-bay&lowprice?
  3.e-bay+osCommerce+free ad?
  4.yahoo shop?
  邊樣可以令我好搵D….因為好多人都睇死我冇得做.
  但我真係認為網店係好有前境架…我唔想死比人睇
  希望各位可以指導下我丫…

• 1. 既然你已經識用os commerce 就應該繼續用os. 我好多年前用過os覺得好煩所以無用. 至於yahoo, 你是指yahoo 拍賣or yahoo 開online shop? 我個人就覺得yahoo 拍賣無物人流(ebay 比較好) yahoo 開online shop就好費, 如果yahoo拍賣無生意就當做廣告啦!2.我自己就行美國ebay (只供歐美). 因為做歐美market所以全部用美國公司如 builer (hosting), godaddy (domain name), paypal….. domain. shopping cart 及hosting 有好多公司如: networksolutions.com , ezshoppingcarts.com, e-junkie.com…. 3. 第一條已答了.
  4.  第一條已答了.

  最後有無得做要睇好多因素. 我就做了幾年而好多seller 都越做越好, 當然也有好多生意不夠放棄了. 你要做下reseach睇下你所賣的貨人地賣幾錢. 如果做中國人market我就真是唔知啦! 香港或人中國人都唔上網shopping, 一落街物都買到. 所以我見d online shop 靠做中國人market而生存到真是十分欣賞及欽佩.

  ps. 我website是全英, 但是我試過lowpricebuilder中文是可以的.

• 玉器似乎有得做和. 呢d唔係就是我講 “香港人當草外國人當寶” 的產品.

  另外近年歐美好流行針救或中醫療學, 如果賣針救針具或有關英文書都有應該有market.

• 樓主真好心機,先謝,本人亦有玩Ebay,想問問如果左香港開paypal account ,唔見以下有兩點要特別注意就是: “Status” 和 “Seller Protection Policy.
  “Seller Protection Policy”.可見到個buyers是Eligible 或 Ineligible.  如果是Eligible就可以更放心. 這單生意是一定100% 收到錢. 因為有”Seller Protection Policy” 保證.   Paypal是不會事後扣起你的錢.  但是如果是Ineligible  , 這個客就有機會收了貨後charge back!  關於 Seller Protection Policy 之細節可參考下板的post.

  咁知唔知香港paypal 有什麼注意可防止假買家或騙子買家呢?有什麼要setting?

  不防講多d,唔該.

• 回覆 #255 tcman 的帖子

  [按此打開] [隱藏]

  1)現有一個關於ESop註冊同稅務的問題, 如果好似樓主這樣, 基地在香港, 但主消歐美市場. 咁當攪EShop 時, 公司應在那裡註冊呢(定可以不用呢)??

  我的 online shop做了一年後見生意好才呈請用有限公司經營已方便報稅. 其實好多online shop seller生意額好高都是用私人名義經營. 有人亦話如果網上開店 hosting 公司(伺服器)不是放在香港, 基本上可以不申請商業登記. 不過我覺得唔應該, 我認為如果你香港銀行時常有從 paypal 轉數的transaction 就應該一定要 inform稅局(即是有生意啦!). 想呃都唔得. 呈請個牌又唔需要好多錢, 報稅又容易 . (除非是街邊無牌小販).
  
  2)重有一個問題, 樓主之前話主供歐美市場,所以關於你公司的所有東西(domain,hosting, web builder) 都係用美國公司的provider, 但其實係咪有分別呢??啲外國人什知你個domain名在那裡註冊呢? 用那個web builder 他們也會關心嗎??

  歐美的人上網入.com website應該比較快.  其實有些.com.hk 或 .com.cn 或 .com.tw 的website 都是一樣好快. 不過我個人喜歡簡單, 所以只愛用.com 或 .net 而且我覺得無需要另客人未入我個website就知我是那個國家的seller. 因為如果你用 .com.hk. D客未入就知你是oversea seller啦!

  至於, Domain 用美國公司的原因是 www.godaddy.com 夠平, 而且好多 website designer 及 I.T.公司都是用佢. Hosting/ builder用美國的www.Lowpricebuilder.com 是因為夠多功能, 特別是完善shopping cart 及 marketing功能我已經另我做少好多野.  及其他30幾種功能. 容易用及server 快.

  其實現在internet 的hosting 或 domain競爭供大, 用間間公司都差不多.都是好穩定.

  3)至於樓主的paypal account 是用美國的資料開(包括銀行吧)? 但甚樣transfer 啲錢到香港呢? 定有什麼其他方法呢??
  如果於外國有親屬就好方便. 不過我建議用以下方法:
  我個人經常去美國的website 買野. Paypal 內收到自己客人的錢可於美國 (及全球) 其他online shop 購物 (唔需用港幣轉美金). 當有需要將paypal 內的錢轉回香港銀行account 時.  就先將 paypal account 內的錢轉入自己美國銀行account. (Paypal轉錢不理多少都是免費的, 不過要等二天) 之後用美國的銀行online banking直接TT wire transfer (滙款) 錢入香港account. 手續費 (幾十至一百蚊, 視乎個別銀行),  但是沒有數額限制, 就算滙1千萬美金都是收幾十至一百蚊手續費 . 所以我通常等到筆錢好大才wire transfer到香港account.

• 圖片放入 website watermark

• 放入 youtube video. (介紹你的products) 片內可以睇到你web link

• 留下聯絡 email address 如: info@MYCOMPANY.com <—個email 可以link 去你website 個email box.

• 去留意下其他ebay seller 如何放入自己website 的web link. 可作參考.

• 對，我睇ebay個時間去登，我覺得１２點開始幾好，西岸開始上班，東岸快食午飯。

• 如果你公司不是有好多好多錢等住浪費, 就不需要請人幫你做website做廣告. 有好多收費online 廣告公司或 program 話可以幫你website bring more traffic. 我覺得效果不夠現在自己做好.部份公司亦有欺騙成份. 我的網上商店是用最平(其實是免費) 最簡單的方法推廣. 不過 downside 就是要花多些時間. 除了用 builder 內的marketing tool 外. 以下是我的做法, 希望有其他高手可以提供更好的方法. (最好唔使用錢啦!) 1. 除了放相片於自己 website內, 我還將自己的產品相片放入各大形免費 photo album website 如: www.photobucket.com , www.webshot.com , www.flickr.com, www.blogger.com (BLOG 有RSS) …..等等. (當然要加入key words 及網址啦! keyword 越多越好!每張相片也放入website watermark.) 當人入去你photo album 就可以為你website 帶來更多traffic. 2. 拍下產品 video clip (under 1mins夠啦!). 再放於youtube, 再加入youtube links於自己website或ebay page 內. 一來youtube users 可以帶給我website更多traffic, 二來客人睇到貨品video片買你的貨更有信心, 三來youtube 有自動meta tag 把我的產品titles 或 descriptions 加放於各search engine. 真係一石多鳥的方法.

  3. 用ebay每10天登你website內一件或兩平價貨, ebay seller page內放入自己website的 link.(不過唔可以明目張瞻, 每月花費約幾蚊美元) 如於ebay內賣出一單已經夠cover ebay 的費用. ebay 是寄人離下的服務, 所以我不會完全依靠ebay.(比 commission 都比到窮)
  
  4. 利用外國免費的classified不停登出你的產品, 用唔同的 description 形容你不同的產品. 當你有好多好多的不同的 active classified ad 於 internet. 人地 search products 時就可以search 到你web site 的 products. 所以一定要用不同的 description 越多越好. 這個工作好花時間 , 不過好有效. 與以上photo album 的方法差不多.
  
  5. 於你products 有關的 forum 內解答用家問題, 答得快答得多自自然然就有生意. 不過又是好花時間. 例如: 假設你是賣 magic toy就去magic forum, 賣花就去同landscape forum, …..
  
  6. 你要去ebay.com , amazon.com 做下research. 睇下有無sellers賣緊你而家賣的 products, 如果有好多, 而價錢又比你平, 出貨地點又係自己國家, positive feedback 又有好多…… 等等. 你就要問下自己你有什麼比其他人更有優勢? 有好多外國online shop 如客人send email 問問題. 他們不回信或好遲才回信(因為西人多數比我們香港人慢). 所以如果你夠快好多buyer 都會幫你買.

  7. 你的website shopping system 必須要方便 (個人意見) 要有PayPal Verification or SSL or Verisign Secure Certificates… 等等 (是真的可以verify那種, 不是只放 jpg file 的假野) . 如果有得查證, 買家放心於online shop 比錢. 我自己家庭 80% 東西 online shopping. 就算是見到好平好吸引的產品好想買. 但是如果 shopping card system不夠安全或方便, 我都放棄.走人唔買.

  8. 你的website 要加上 meta tags ,description tag, keywords tag… (keys words), 樣search engine 搵到你的 website.我是用 Lowpricebuilder 內設的自動 meta tags, keyword tag 功能.
  
  9. 如果你不介意每年比多$8 usd for one more domain name or more. 就去 www.godadd.com 買多幾個domain (每個 $8usd) 因為可以利用無限個 domain forward 入去你個website.  舉例: 如果我是賣 magic 玩具. 你買10個 domain name (每年都是 $80 usd, 有時domain onsale 重平) 每個domain 都是同 magic 有關再forward 入去你的main domain (即是website).  因為domain name 一買就即刻上search engin 第一版.第一行 (無錯呀! 是first page first line) 如果你個 domain 是 FOR Example : www.ilovemagic.com or www.magicformykids.com or www.learnmagictrick.com …..人地一search 就即刻出現google 或 yahoo…  第一版及第一行. 大家可以試下.

  暫時只知以上方法. 不求人自己做有全部自控制權. 如果你是大集團有好多錢就請公司做, 不過佢地收了錢後有無做足就只有他們才知. 希望有其他高手可以提供更多這方面資料.
  
  我又覺得自己好長氣啦! 要休息下先.

• 好似這條youtube 片, 大家睇下已經有Views: 7,187,338

  也登了online shop 的web address. 大家可以參考這做法.

  http://www.youtube.com/watch?v=tScm-eZInBE

  

More at http://hk.myblog.yahoo.com/killsometime-helpothers/article?mid=28